Ҳабибуллаев Пўлат Қирғизбоевич

Таваллуд топган сана: 14 oktabr 1936 йил

Вафот этган сана: 7 Феврал 2010 йил

Туғилган жой:Андижон вилояти

Йўналишлар: Физиклар, Устоз ва мураббийлар

1666

Таржимаи ҳол

Ҳабибуллаев Пўлат Қирғизбоевич — совет ва ўзбек олими, давлат арбоби, Ўзбек ССР Олий Кенгаш Президиуми Раиси (1988 - 1989), СССР Олий кенгаш Президиуми Раис ўринбосари (1988 - 1989).

1936 йил 14 октябрь куни Андижон вилояти Асака туманида туғилган.

1960 йил Ўрта Осиё университетини тугатган. 1964 йил физика-математика фанлари номзодлиги учун диссертация ҳимоялаган (Москва), 1971 йил эса физика-математика фанлари докторлиги учун илмий ишни ёқлаган (Новосибирск), профессор, Ўзбекистон ФА академини, Россия фанлар академияси мухбир-аъзоси (1991 йилгача СССР ФА).

2010 йил 7 февраль куни Тошкентда вафот этган.

  • Тошкент давлат педагогика инятитути “умумий физика” кафедраси раиси (1958—1960 йй.)
  • Ўзбекистон Миллий Университети “Оптика” кафедраси раиси (1992—1994 йй.)
  • Андижон пахтачилик институти ректори (1971-7195 йй.)
  • Ўзбекистон КП МК фан ва ўқув юртлари бўлими мудири (1975-1978)
  • ЎзССР ФА вице-президенти (1978 – 1984 йй.)
  • Ўзбекистон ФА Ядро физикаси институти директори (1978-1988йй)
  • Ўзбекистон ФА Иссиқпик физикаси бўлими илмий раҳбари (1977 йилдан)
  • 1984—1988 йй. — Ўзбек ССР ФА президенти.
  • 1985—1988 йй. — Ўзбек ССР Олий кенгаши раиси.
  • 1988—1989 йй. — Ўзбек ССР Олий Кенгаши Президиуми раиси, Ўзбек ССР Олий Кенгаши Президиуми раис ўринбосари.
  • 1994—2002 йй. — Ўзбекистон Республикаси Фан ва Техника давлат қўмитаси раиси.
  • 2002—2006 йй. — Ўзбекистон Республикаси Вазирлар Маҳкамаси қошидаги Фан ва Техника Маркази раиси.
  • 2010 йилгача — Ўзбекистон Республикаси ФА Иссиқлик физикаси бўлими бошқарувчиси.
  • СССР Олий кенгаши 11 чақириқ депутати

Илмий фаолияти

Асосий изланишлари – акустик спектроскопия, физика ва квант акустикаси, нанофизика ва юмшоқ жисмлар физикаси, нотекис оптика ва лазер термокимё, суперион ўтказгувчи ва квант-ўлчамли тизимлар, ядро физика ва радиацион материал ўтказувчанлик, нотекис динамика ва хаос, физика-кимё изотоп ва лазер фотосинтез ва бошқалар.

У томонидан илк бор узунасига ва кўндаланг акустик тўлқинларнинг юмшқ муҳитда муҳитдаги релакцион жараёнларида молекуляр табиат (103 Гц) дан (1010 Ҳз) энг юқори частоталаргача тарқалиши ўрганиб чиқилди ва бу нанографиядаги молекуляр тартибни ўрнатишга ва нейтроник тизимларнинг термодинамикаси позициясидан тушунтириш беришга имкон берди.

У янги илмий йўналишларнинг асосчиси ҳисобланади: мезоскопик ва кластерсимон ҳолам аҳамиятли бўлган юмшоқ жисмлар физикаси ва суперионли ўтказгичлар.

500 дан зиёд илмий ишлар ва 15 та рисола муаллифи, улардан 4 таси P.K.Khabibullaev, E.V.Gevorkian, A.S.Lagunov «Rheology of Liquid Crystals» Allerton Press, New York, (1994), P.K.Khabibullaev, B.G.Skorodumov «Determination of Hydrogen in materials» Springer-Verlag, Berlin (1985), F.Abdullaev, S.Darmanyan, P.K.Khabibullaev «Optical Solitons» Springer-Verlag, Berlin (1993), P.K.Khabibullaev, A.A.Saidov «Phase separation in Soft Matter Physics» Springer-Verlag, Berlin (2003) хориж нашриётларида чоп этилган. Шулардан, “Юмшоқ жисмлар физикаси”, Тошкент, ФАН (1993), “Электростатическая модель кластерного иона и термодинамические параметры реакций кластерообразования”, Тошкент, ФАН, (1985), “Физика” 7-синф курси, Тошкент, Ўзбекистон Миллий энциклопедия Давлат илмий нашриёти (2005) ва бошқалари Ўзбекистонда нашр қилинган. П. Қ. Ҳабибуллаев 200 дан ортиқ фан номзодларини ва 40 та фан докторларини тайёрлаган.

“Ўзбекистон физика журнали” бош муҳаррири, РФА “Акустик журнал” ва бир қатор бошқа журналларнинг муҳарририлик жамоаси аъзоси.

Илмий унвонлари ва мукофотлари

  • Ўзбекистон ФА Академики (1984)
  • РФА мухбир-аъзоси (1984)
  • Ислом давлатлари ФА академики
  • Покистон ФА хорижлик аъзоси
  • РФ Техноология фанлари академияси академики
  • Халқаро электротехник фанлар академияси академики
  • Олий мактаб Халқаро академияси академики
  • Ҳинд Илм-фан материалшунослик жамияти ҳақиқий аъзоси
  • Инлеллектуал мулк Бутун жаҳон ташкилотининг икки карра олтин медали лауреати (WIPO)

Давлат унвонлари ва мукофотлари

Беруний номидаги Ўзбекистон Давлат мукофоти лауреати (1981), “Ўзбекистон Республикасида хизмат кўрсатган фан арбоби” унвонига мушарраф бўлган. “Меҳнат шуҳрати”, “Ҳурмат белгиси” ордени ва иккита “Қизил меҳнат нишони” орденлари билан мукофотланган (2000). Ла-Пас (Боливия, 1988 й.) ва Литл-Рок (АҚШ, 1993 й.) шаҳарларининг фахрли фуқароси.

Расмлар галереяси