Лойиҳа ҳақида
Ушбу лойиҳа Ўзбекистон ва бутун Марказий Осиёнинг ривожланишига катта ҳисса қўшган арбоблар ҳақида маълумот бериш мақсадида яратилган. Ватандошларимизнинг эришган ютуқлари билан танишиш муқаддас Ватанимизга нисбатан ғурур ва қувонч ҳиссини уйғотади.
Бизнинг ўлкамиз иқтидорли инсонларга жуда бой бўлиб, айниқса IX-XI, XV-XVI ва XIX-XX асрлар бу дунёга кўплаб буюк мутафаккирларни ҳадя этди. Афсуски, кўплаб нуфузли шахслар ҳақидаги маълумотлар Интернет тармоғида жуда кам. Биз, Портал яратувчилари, турли манбалардан, жумладан, Ўзбекистон энциклопедияси, Интернет тармоғи, Фанлар академияси, Бадиий академия, ижодий уюшмалар ва бошқа манбалардан маълумотларни йиғиб, уларни қайта текширдик.
Ушбу порталда келтирилган маълумотлар доимий равишда янгиланиб, тўлдирилиб борилмоқда. Шунингдек, арбоблар тўғрисидаги маълумотлар фойдаланувчилар ва Интернет ҳамжамиятлари ёрдамида ҳам янгиланиб борилади. Барчага биргаликда маълумотларни тўлдириб, Портални актуал ҳолатда юритилиши учун ҳамкорликни таклиф қиламиз.
Шунингдек, сизда ушбу порталда мавжуд бўлмаган аммо эътиборга лойиқ инсонлар ҳақида маълумот (фотосурат, таржимаи ҳол, эришилган ютуқлари ва мукофотларнинг тавсифи) бўлса, марҳамат қилиб исталган тилда юборишингиз мумкин. Авваламбор, биз мамлакатимиз тараққиётига улкан ҳисса қўшган инсонлар - академиклар, халқ ва санъат арбоблари, илм-фан, саноат, қурилиш, қишлоқ хўжалиги, сиёсат ва бошқалар ҳақида маълумотларни кутиб қоламиз.