Tilak Jo‘ra

Tavallud topgan sana: 1947 yil

Vafot etgan sana: 1994 yil

Tug'ilgan joy:Buxoro

Yo'nalishlar: Adabiyotshunoslar, Tarjimonlar, Shoirlar

1635

Tarjimai hol

Hassos shoir, tarjimon va adabiyotshunos Tilak Jo‘ra yorqin, haroratli she’rlari bilan kitobxonlar hurmatiga sazovor bo‘ldi. Shoir qishloq manzaralarini, mehridaryo, halol, to‘g‘riso‘z, mehnatkash odamlarning o‘y-kechinmalarini, orzu-umidlarini ehtirosli misralarda, yorqin timsollarda aks ettirgan.

Hassos shoir, tarjimon va adabiyotshunos Tilak Jo‘ra o‘tgan asrning 70-yillarida adabiyotga kirib keldi. U qisqa, ammo sermazmun umr kechirdi, yorqin, haroratli she’rlari bilan kitobxonlar hurmatiga sazovor bo‘ldi.

Tilak Jo‘ra 1947 yilda Buxoro viloyatining Qorako‘l tumanidagi Sayyod qishlog‘ida tug‘ildi. 1956-1966 yillarda o‘rta maktabda, 1966-1972 yillarda hozirgi Milliy universitetning jurnalistika fakultetida o‘qidi. 1978-1981 yillarda aspiranturada tahsil oldi.

1970 yildan umrining oxiriga qadar universitetning tarjima nazariyasi kafedrasida talabalarga tarjima ilmidan saboq berdi, 1986 yilda filologiya fanlari nomzodi ilmiy darajasini olish uchun dissertatsiya yoqladi.

Tilak Jo‘radan yaxshi nom, yaxshi she’riyat qoddi. Tilak Jo‘ra 1994 yilda to‘satdan vafot etdi.

Shoirning «Rayhon» (1977), «Olam ostonasi» (1980), «Yulduzlar tabassumi» (1981), «Chorrahadagi uy» (1983), «Sanduvoch» (1988), «Ruhiyat» (1990) nomli she’riy kitoblari, rus, turk, ozarbayjon, arman, frantsuz she’riyatidan qilgan tarjimalari, «Hozirgi turk she’riyati», «Nozim Hikmat va O‘zbekiston» singari ilmiy asarlari bosilib chiqqan.

Tilak Jo‘ra qishloq manzaralarini, mehridaryo, halol, to‘g‘riso‘z, mehnatkash odamlarning o‘y-kechinmalarini, orzu-umidlarini ehtirosli misralarda, yorqin timsollarda aks ettirgan.

Video galereya

Rasmlar galereyasi