Таржимаи ҳол

Ўткир Раҳмат 1948 йили Самарқанд вилоятида туғилган.

1972 йили Алишер Навоий номидаги Самарқанд давлат университетининг филология факультетида, сўнг Тошкент давлат юридик институтида таълим олди.

 У дастлаб оммавий ахборот воситаларида, сўнг ҳукумат идораларида, мустақиллигимизнинг дастлабки кунидан бошлаб Ўзбекистон Республикаси Президенти Девонида фаолият кўрсатиб, масъул вазифаларда 1999 йилгача ишлади. Айни пайтда республикамизнинг ўқимишли оммавий воситаларидан бири - «Қишлоқ ҳаёти» ва «Ҳаёт» газеталарининг Бош муҳаррири.

Истеъдодли шоирнинг «Ирмоқ» (1987), «Соғинч» (1991), «Жилға» (1992), «Райҳон ҳиди» (1995), «Шукрона» (1996), «Кўзим қорачуғи» (1998), «Ой ёғдуси» (1999), «Эй, умри азиз...» (2003) каби ўндан ортиқ шеърий тўпламлари нашр этилган.