Уломов Валентин Иванович

Таваллуд топган сана: 7 yanvar 1933 йил

Вафот этган сана: 6 iyun 2017 йил

Туғилган жой:Тошкент

Йўналишлар: Геологлар

2745

Таржимаи ҳол

Валентин Иванович Уломов – совет, россиялик сейсмолог, физика-математика фанлари доктори, Ўзбекистон Фанлар Академияси мухбир-аъзоси.

1933 йил 7 январь куни Тошкентда туғилган. 1955 йил Ўрта Осиё политехника институтининг тоғ-кон факультетини “Фойдали қазилмаларни топишнинг геофизик услублари” йўналиши бўйича тамомлаган. 1959 йилдан “Тошкент” сейсмик станциясида кичик илмий ходим ва мудир лавозимларида ишлаган.

1960 йилдан Ўзбекистон ФА геология ва геофизика Институтида директор ўринбосари, 1966-1985 йилларда эса ЎзФА сейсмология Институтида директор ўринбосари вазифаларида фаолият кўрсатган. Бир вақтнинг ўзида (1990 йилгача) Тошкент сейсмологик расадхонасига айлантирилган сейсмик бекатига раҳбарлик қилишда давом этади.

1964 йил собиқ СССР ФА Ер физикаси Институти (Москва)да физика-математика фанлари номзоди илмий даражасини олиш учун илмий тадқиқот олиб бориб, 1974 йилда докторлик диссертациясини ҳимоя қилди. 1964 йилда Тошкентда Ўрта Осиё ва Қозоғистон сейсмик ҳолатини кузатиш Марказини ташкил этишда ташаббус кўрсатиб, 15 йил давомида унга ўзи раҳбарлик қилган. 1966 йилдан Ўзбекистон ФА Сейсмология институти номига ўзгартирилган. 1984 йилдан Ўзбекистон ФА мухбир-аъзоси.

1990 йилнинг декабридан Ер физикаси Институти (Москва)да ҳудудий сейсмик лабораторияси мудири вазифасида, 2004 йилдан эса бош илмий ходим лавозимида фаолият кўрсатади. 1995 йилнинг февраль ойида Нью Йорк ФАнинг ҳақиқий аъзоси этиб қабул сайланган.

Илмий тадқиқот кўлами – фундаментал ва амалий сейсмология, литосферанинг тузилиши ва динамикаси, зилзила манбалари ва уларни олдиндан башорат қилиш, глобал ва минтақавий сейсмология, сейсмик минтақалаштириш ва сейсмик хавфларни туманлаштириш.

Зилзиладан олдин радон ишлаб чиқарилиши ҳодисаси башоратининг илмий кашфиёти муаллифи. 250 дан ортиқ илмий ишлар муаллифи.

Зилзила хавфи башорати ва уни туманлаштириш борасидаги ишлари учун 1981 йилда Абу Райҳон Беруний номидаги Давлат мукофоти билан тақдирланган. 

2017 йил 6 июнь куни Москвада вафот этган.

Расмлар галереяси