Таржимаи ҳол
Мирзаабдулла Насриддинов Боқий тахаллуси билан танилган - совет, ўзбек ва тожик шоири, таржимон.
У 1882 йил Фарғона вилоятининг Қўқон округи, қадимий ва таниқли жойлардан бири Риштонда зиёли олим мулла Насриддинлар оиласида туғилди.
Боқий болалигидан шарқ адабиёти ва шеъриятига меҳр қўйган, айниқса, Бедил, Навоий асарларига. Бошланғич таълимни маҳаллий мактабда олади, у Қўқоннинг турли хил мадрасаларида ўқишни давом эттиради. Ва у ерда ўз замонасининг таниқли шоир ва мутафаккирлари Муқимий, Фурқат, Муҳаййир, Завқий, Надим Намангоний, Рожа Марғилоний, Рожа Хўжандийлар билан танишади ва дўст тутинади.
Шоир ўзининг шеърий таърифларида тарих ва адабий омиллари билан танилган. Бу инсон ёрқин ғояларга эга, саводли ва истеъдодли шоир. Боқийнинг руҳияти сўфийликка яқин, шунинг учун у “Боқий” тахаллусини олган, бу дегани “Мунгли” деган маънони билдиради. Бедил шеъриятига ва шахматга қизиқарди. Қўқонда шахмат ўйини ва фалсафий дунёқарашлари бўйича Бедилга тенг келадигани йўқ эди. Унинг бир қанча шеърлари бўлса ҳам, лекин алоҳида девони йўқ.
Мирзаабдулла Боқий Навоий асарларига мухаммас ёзган, “Туҳфат-ул-афкор” қасидасини форс тилидан ўзбек тилига таржима қилган.
1941 йил Боқий буюк мутафаккир ва давлат арбобининг 500 йиллик таваллуд айёмини нишонлаш бўйича ташкилий қўмита таркибига киритилди.
У халқ шоири Ғафур Ғуломнинг муаллими ва яқин дўсти эди. 1943 йилдан бошлаб шоир Боқий Ўзбекистон Фанлар академиясининг мухбир аъзоси ҳисобланади.
Мирзаабдулла Боқий 1967 йилда вафот этди. Риштонда Сўфи Содик қабристонига дафн қилинди.