Таржимаи ҳол
Миртемир 30-йиллар ўзбек шеъриятига улкан ҳисса қўшган ижодкор. Ўзбекистон Марказий Ижроия қўмитаси раиси Йўлдош Оҳунбобоевнинг шахсий котиби бўлган. 1979 йил, вафотидан сўнг “Тоғдай таянчим” асари учун Ҳамза номидаги давлат мукофоти билан тақдирланган. 2001 йил “Буюк хизматлари учун” ордени билан тақдирланган.
Миртемир Умарбекович Турсунов 1910 йил 30 майда Қозоғистоннинг Чимкент вилояти, ҳозирги Туркистон туманининг Иқон қишлоғида туғилган. Шоир Миртемир тахаллуси остида ижод қилган. Эски тартибдаги мактабда ўқиган, 1921-1923 йиллар Тошкентдаги Алмаий номидаги мактаб-гимназияда таҳсил олган.
1932 йил Самарқанддаги Педагогика академиясининг ижтимоий-адабиёт факультетини тамомлаган.
Ўзбекистон Марказий Ижроия қўмитаси раиси Йўлдош Оҳунбобоевнинг котиби бўлиб ишлаган.
30-йиллар номаълум сабабларга кўра, қатағон қилинган, Москванинг Волга каналида қурилишда ишлаган.
Тез орада, озод қилинган, нашриётларда, театрда, газетада муҳаррир бўлиб ишлаган. У турли ўқув муассасаларда дарс берган, Ўзбекистон Ёзувчилар уюшмаси маслаҳатчиси бўлган.
1978 йил 25 январь куни вафот этган. 1979 йил, вафотидан сўнг, шоир “Тоғдай таянчим” асари учун Ҳамза номидаги Давлат мукофоти билан тақдирланган.
2001 йил “Буюк хизматлари учун” ордени билан мукофотланган.
Шеърий тўпламлари:
“Шуълалар қўйнида” (1928), “Қайнашларим” (1931), “Пойтахт” (1936), “Қасд” (1944), “Янги шеърлар” (1947), “Сараланган асарлар” (1958) ва бошқалар.
Шеърлари: “Яли-яли”, “Мени эсла”, “Айтишларича, шаҳримда бир гўзал бор”, “Фақат мен биламан”, “Киприкларим”, “Сени безовта қилмайман”. “Портрет”, “Ғалаба” (1929), “Бонг” (1932), “Барот” (1930), “Хидир” (1932), “Дилкушо”, “Сув қизи” (1937), “Ойсанамнинг тўйида” (1938), “Кўзи” (1939).
А.С. Пушкин, Н.А. Некрасов, Ш. Руставели, Абай, Махтумқули ва Бердақларнинг асарларини ўзбек тилига таржима қилган.